Era plaça der Diamant. Novèlla magnificament escrita. Sedusís pera sua sinceritat e diboishe enes sues pagines un univèrs complèt, qu'era adretia dera autora recree aparentament comòde e confortable mès, en definitiva, plen de situacions angoishantes, tristes, beròies e alègres, viscudes intensament pes personatges. Eth barri de Gràcia en Barcelona, des des ans anteriors ara Guèrra Civila enquia apruprètz es quaranta, se mos descriu exaustivament pr'amor qu'eth detalh forme part inseparabla deth tot, e dera vida des personatges. En aguest encastre, eth lector paupe era feblesa des èsters umans, e es personatges son unics e irrepetibles pera sua forma de veir e víuer eth mon. A simpla vista ei era istòria d'una berogina e febla depenenta d'ua pastisseria deth barri de Gràcia, Natàlia, mès ei tanplan quauquarren mès: se conde ua istòria d'ua grana prigondor e tanplan ben distrèta, sus es clarors e es ombres des persones, des sues relacions, dera societat sancera, der univèrs sancer. E tanben, e coma era pròpria autora reivindiquèc, ei ua beròia istòria d'amor, per mès que fòrça gent s'entèste en discutí'c. Arrevirada de Manuela Ané Mercè Rodoreda (Barcelona 1908-Girona 1983) ua des novellistes catalanes mès importantes e damb mès projeccion internacionau; tanplan, ua des mès liejudes e tradusides. Inicièc era sua produccion literària abans dera Guèrra Civila, damb eth títol Un dia dera vida d'un òme. Mès tard, damb Aloma(1938) guanhèc eth prèmi mès pretigiós dera epòca, eth Crexells. En 1962 publiquèc era novèlla mès coneishuda: Era plaça deth Diamant. D'auti títols:Eth carrèr des Camèlies, Jardin ath cant deth mar, Guaira, guaira guèrra, Miralh trincatáe postumament Era mòrt e era primauera(1986).