Cal pas s'atendre aicí a legir de poësia occitana, pecaire, ni quitament de poësia, e mai s'aquò i sembla. Los vèrses a còr de pagina son portaires de quicòm coma un destrusiment a bèl talh qu'amòda una vision ont remetes pas res ni mai degun. Demòra a cada còp sul papièr un objècte-monde dins l'evidéncia de sa (des)bastison a còps de martèl. Singular. E definitiu. E que benlèu, justament, endefòra de tot çò conegut, te definís.