100 ans d´istòria. Calerie massa planes e libres entà expressar damb era paraula escrita tot çò que vedem enes imatges d´aguest libre, qu´era Fondacion Musèu Etnologic met enes nòstes mans e dauant des nòsti uelhs. Ei vertat çò que se ditz: "Ua imatge vau mès que mil paraules".
Ei ua publicacion, memòria collectiva, entà aué e entà deman, ja que permeterà as que vieràn darrèr de nosati, conéisher eth passat coma ua anèra entath futur. I figuren toti es pòbles dera Val d´Aran. Aguest libre a de servir entà preservar era memòria istorica deth nòste país. Eth cambi de costums, era evolucion urbanistica des disparièrs nuclèus, es activitats abituaus e qu´ara mos resulten curioses... Tot i é retratat. Es fotografíes, acompanhades per un explic, amassa tamb es introduccions istoriques de besonh entà plaçar-mos enes tèmes, mos explicaràn ua realitat non tant aluenhada en temps, mès òc en concèpte diferent d´enténer era vida.