Per l'an 1920, au bèth miei de la revolucion bolchevica, un joen jornalista anglés que serà mandat tau centre d'Ucraína tà realizar lo son tot purmèr reportatge. Que descobrirà un país esmiraglant de las granas pradas sauvatjas, traversat per las armadas rojas, blancas e nègras, on lo sens de l'istòria que sembra de se jogar a tot moment. Lo joen eròi qu'i encontrarà las populacions qui poblan las granas estèpas : Cosacs, Tziganes, Judius, aubarèus desadinerats, e qu'i passarà la soa batiada deu huec : purmèr long viatge capvath las granas vilas d'Euròpa, purmèras batèstas, purmèr vira-sang sentimentau.

Joan-Marc LECLERCQ que vasóc a Lille (Nòrd) en 1961. Poliglòt apassionat (especialista de las lengas eslaus) e musician de profession, qu'enregistrèc uns disques en lenga esperanto, puish qu'entrèc au Líber Guinness deus Recòrds 2000 per aver cantat 22 cantas en 22 lengas. Autor tanben d'un líber de conversacion sus l'occitan gascon, que demòra a Tornahuèlha hens la Gasconha tolosana.