"Quina mascariá, quina pocha amb Dieu o Diable li balhava un poder d'aquela mena? E mai se me n'aviá parlat, arribavi pas a destriar la lutz amagada darrièr aquela idèia de "grand consentiment". Lo secret èra aqui."
Aquel tèxt se pòt considerar coma l'acabament d'una trilogia entamenada amb las doas novèlas contengudas dins "Ma mòrt, ma miga, mon amor" (ed.Vent Terral, 1978).
Aici, parièr, se pòt dire que la vida comença de l'autre costat del desesper. D'autres i traparàn la vesion d'un mond ont tornamai l'òme s'endeven amb la natura tota.
O benlèu una leiçon de vida.