Sul planastèl de la Calmesiá, èran plan un cinquantenat, los que montavan al castèl de Miramont, en traversant lo vilatge dels Sarrasins, dins lo calabrun d'un ser de davalada. Lo mond èran defòra per véser aqueles òmes armats e feluts coma de lops vièlhs, trempes d'aver gasat Viaur, cargats de sacas e d'arcas de totas menas, que butavan a còps de pès e de ponhs un òme e doás femnas joves mièjas nudas, totes estacats pel còl amb un cordèl coma s'èran de vedèls. Aquel an de gràcia - quina gràcia ? - de 1374, los rotièrs de Berenguièr l'Albigòt tornavan de çò que sonavan "la caça". Reputat per sa dexteritat a la balèstra, lo bèl e ferotge Berenguièr amagava un secrèt...

Robèrt MARTÍ, romancièr, editorialista, contaire. President de l'IEO de 1987 a 1997.